المرتب المرتب

المرتب
دخل الرجل بيته ثم جلس على الكنبة فى حجرة الجلوس وفى ذلك الوقت كانت زوجته تتجه للمطبخ فلمحته جالسا فغيرت اتجاهها لحجرة الجلوس ولما وجدته صامتا قالت لا تكن حزينا على الجاموسة والبقرة والمعيز ،ابتسم الرجل وقال أنا لست حزينا الآن على شىء لأن اللى كنت حاسبه طلع غلط ،تساءلت المرأة وهى جالسة يعنى كلامك غلط ؟ضحك الرجل وقال المثل اللى قال اللى تحسبه موسى يطلع فرعون انقلب واللى حسبناه فرعون طلع موسى ،قالت المرأة وضح كلامك يا أبو العيال قال الرجل اتضح إن الفلوس اللى أخذناها عبارة عن مرتب شهر وكل شهر سنأخذ مثله ،قالت المرأة وهى تهز رأسها يعنى عينوك موظف ،قال الرجل وهو يمدد رجليه كلامك صح موظف اسمه الفلاح ووظيفتى زراعة الفدادين فى الشركة مع غيرى من الفلاحين ،قالت المرأة يعنى أعطوك ملكية الفدادين ،رد الرجل قائلا أعطونى حق الزراعة وليس حق التمليك لأنهم قالوا إن الأرض ملك لكل الناس ولا يحق لأحد أن يملك شىء منها دون الأخرين ،قالت المرأة وماذا بعد؟رد الرجل فقال قالوا إنهم حددوا فترة شغل الواحد الفلاح من الساعة ثمانية لقبل الظهر بربع ساعة وقالوا إن كل عشرين فلاح سيكون عندهم الآلات اللازمة للزراعة والفلاح اللى عليه هو أنه يعزق وينقى الأرض ويسوى الخطوط وغيره من عمليات الزرع والقلع ،قالت المرأة والبهايم ،ضحك الرجل وقال جمعوها من الفلاحين وعملوا لها مزرعة كبيرة واللى عاوز يشترى لبن أو قشطة أو سمنه أو جبنة أو غير ذلك سيشترى من الدكاكين اللى تبيع ،ابتسمت المرأة وقالت ريحونا من قرف تربية البهايم .